• Future Youths Education အကြောင်း

    နိုင်ငံရေးမငြိမ်မသက်မှုကြောင့် ဆယ်တန်းဖြေဆိုခွင့်၊ ပညာသင်ယူခွင့် ဆုံးရှုံးခဲ့ရသော ကျောင်းသား/သူ များအတွက် ၂၀၂၃ ခုနှစ်တွင် ကျင်းပမည့် ဒဿမတန်း(စနစ်ဟောင်း)ကို ဖြေဆိုနိုင်ကြစေရန် ရည်ရွယ်၍ Future Youths Education ကို စေတနာရှင် ဆရာ၊ ဆရာမ များ စုဖွဲ့၍ ၁ .၉.၂၀၂၂ ရက်နေ့တွင်စတင်ဖွဲ့စည်းတည်ထောင်ခဲ့ခြင်း ဖြစ်ပါသည်။ မည်သည့်ဒေသကမဆို အခက်အခဲမျိုးမျိုး၊ အကြောင်းအမျိုးမျိုးကြောင့် နေ့အချိန်များတွင် ကျောင်းမတက်ရောက်နိုင်သည့် ကျောင်းသား/သူ များကို အခမဲ့ ပညာသင်ကြားပေးနိုင်ရန် ညကျောင်းသဖွယ် သင်ကြားပေးခြင်းဖြစ်ပါသည်။

    ရည်ရွယ်ချက်

    • နိုင်ငံရေး မတည်မငြိမ် ဖြစ်နေသောကာလတွင် ကျောင်းသား/ သူ များ ပညာသင်ယူခွင့် မပြတ်လပ်စေရန်။
    • နေ့ခင်းနေ့လည်အချိန်တွင် မိသားစုဝမ်းစာရှာဖွေနေရသော ကျောင်းသားလူငယ်များ အတွက် ညအချိန် သင်ယူခွင့်ရရှိစေရန်။
    • ပညာသင်ယူရန် အခကြေးငွေ မတတ်နိုင်သူများအား ပရဟိတကူညီဆောင်ရွက်ပေးရန်။
    • စစ်ရေးအခြေအနေ ပြင်းထန်၍ ပညာသင်ယူရန် ဝေးလံခေါင်ဖျားသော ဒေသများမှ ကျောင်းသား/သူ များအား အကူအညီပေးနိုင်ရန်။
    • ပညာတတ် သားကောင်းရတနာများ ပေါ်ထွန်းလာစေရန်။

    သင်ကြားရေး ဆရာများ

    အွန်လိုင်းပညာရေးတွင် လက်ရှိသင်ကြားလျက်ရှိသော ပညာရေးနယ်ပယ်မှ ဝါရင့်အထက်တန်းပြ ဆရာ၊ ဆရာမများ နှင့် နယ်ပယ်ကဏ္ဍစုံမှ ဆရာ၊ ဆရာမ များ ပူးပေါင်းပြီး စေတနာကို အရင်းခံ၍ ပရဟိတပညာဒါန သင်ကြားပေးလျက်ရှိပါသည်။

    တက်ရောက်နိုင်သူများ

    မည်သည့် CDM ကျောင်းသူ၊ ကျောင်းသား မဆို၊ မည့်သည့်ဒေသကမဆို အကြောင်းအမျိုးမျိုးကြောင့် မည့်သည့်ကျောင်းကိုမျှ မတက်ရောက်နိုင်သည့်၊ အခက်အခဲမျိုးစုံရှိသည့် ကျောင်းသား/သူ များ တက်ရောက်ခွင့် လျှောက်ထားနိုင်ပါသည်။

    တက်ရောက်ခွင့်

    ပညာသင်ကြားရန် အမှန်တကယ် အခက်အခဲရှိသည့် ကျောင်းသား/သူ များကိုသာ ဦးစားပေးရွေးချယ်၍ တက်ရောက်ခွင့်ပြုပါသည်။

    သင်ကြားမှုပုံစံ

    • Zoom Application နှင့် Moodle LMS အသုံးပြု၍ အပြန်အလှန်ဆွေးနွေးမှုပုံစံဖြင့် အမှတ်ပေးစည်းမျဉ်းနှင့်အညီ သင်ကြားပေးလျက်ရှိခြင်း။
    • လစဉ်အရည်အချင်းစစ် စာမေးပွဲများ ဖြေဆိုခြင်း။
    • Google Form ဖြင့် အလေ့အကျင့်ဖြစ်အောင်ဖြေဆိုခိုင်းခြင်း။
    • သင်ခန်းစာများ ပြန်လည်ကြည့်ရှုနိုင်ရန် Video Record များနှင့် ဘာသာရပ်ဆိုင်ရာ စာအုပ်များ၊ မေးခွန်း နမူနာများကို ကျောင်း၏ဝဘ်ဆိုဒ်တွင် မည်သူမဆို ဝင်ရောက် လေ့လာကြည့်ရှုနိုင်ခြင်း။
    • တိုးတက်မှု၊ အခက်အခဲများအတွက် လစဉ်ကျောင်းသားနှင့် ဆရာအကြား (One to One Consultation Meeting) ပြုလုပ်ခြင်း။

    ရန်ပုံငွေရရှိမှု

    • ကျောင်းသား/သူများနှင့် စေတနာရှင်မိဘများ၏ အလှူငွေသီးသန့်ဖြင့်သာ လည်ပတ်လျက်ရှိပါသည်။
    • 🙏ပါဝင်လှူဒါန်းခဲ့သည့် အလှူရှင်များအားလုံးကို ကျေးဇူးအထူးတင်ရှိပါသည်။🙏
    • 🙏 ထပ်မံ၍လည်း စေတနာရှင် အလှူရှင်များ လိုအပ်လျက်ရှိပါသည်။ 🙏

    မျှော်မှန်းချက်

    • ကျောင်းသား/သူများထံမှ ငွေကြေး လုံးဝ (လုံးဝ) ကောက်ခံခြင်းမရှိဘဲ အခမဲ့ပညာရေး ပေးအပ်နိုင်ရန် ကြိုးစားလျက်ရှိပါသည်။
    • အခက်အခဲရှိသည့် ကျောင်းသား/သူများ၊ ထူးချွန်သည့် ကျောင်းသား/သူများအတွက်  Scholarship ရှာဖွေပေးသည့်အစီအစဉ်များလည်း စီစဉ်ဆောင်ရွက်လျက်ရှိပါသည်။
    • နိုင်ငံတကာတက္ကသိုလ်များ၊ ကျောင်းများသို့ တက်လှမ်းနိုင်မည့် ပညာရေးအခြေခံကောင်းရရှိသည့်အထိ ဖွင့်လှစ် ဆောင်ရွက်သွားမည် ဖြစ်ပါသည်။